Press "Enter" to skip to content

Sad shayari sms 2018

Bilkool naye bhi ho ke purane se lagte hain

Ham log ruftgaan ke zamane se lagte hain

Rishta tu onn se koi naheen, par janab e ishq

Adaat se mere hi gharane se lagte hain

Zakhmoon ki tees apni jagha ek azaab hai

Lekin jo zakhm, zakham dikhane se lagte hain

Shayad zamane ko bhi hoon onn se shikayatein

Shaki jo log apne zamanoo se lagte hain

Kamre mein koi or naheen hai, tu ghaliban

Ham, ham kalaam apne sirhane se lagte hain

Nazdeek se jo dekhein tu mayoos hi na hoon

Manzar jo fasle se suhane se lagte hain

Darasal taar e ashk rawaan ke hain silsiley

Tasbeeh mein paroye jo daney se lagte hain

Ek pair jab giraya geya tu pata chala

Dharti ko zakhm pair girane se lagte hain

Jab bhi main kehna chahoon koi baat tu mujhe

Elfaaz sab lughat ke purane se lagte hain

Ess shehar e be misaal ke baghaat mein naseem

Shakhoon pe phool aag lagane se lagte hain

Be First to Comment

Leave a Reply

Your email address will not be published. Required fields are marked *