Press "Enter" to skip to content

Full sad Poetry sms

Kion na yeh rasm nibaah lee jaye

Koi deewar otha lee jaye

Rooh ka rooh se ho geya rishta

Zindagi raah se hata lee jaye

Dee muhabbat ne hijabon ko shikast

Aankh se aankh mila lee jaye

Ham ne soocha hai beech mehloon ke

Aik kutiaah hi bana lee jaye

Deih ke ham ko zubaan, yeh hukm hoa

Hai yeh behtar ke sambhali jaye

Hai guzarish jahaan fun se meri

Shayari fun se nikali jaye

Hai yeh irshaad buzurgoon ka Saeed

Koi sayeel bhi na khali jaye

Main kar naheen paya kabhi Ezhaar e Muhabbat

Jab tak mila na tha koi kirdaar e muhabbat

Main kar naheen paya kabhi Ezhaar e Muhabbat

Farhaad kia hai, mujh ko agar moqaah jo mila

Ban ke dikha doon ga tujhe shahkar e muhabbat

Olfat bhari nigah se dekha jo tu ne aaj

Hone laga hai mujh ko bhi deedar e muhabbat

Jo tu mila tu yeh mujhe aaihsaas hoa hai

Zahir hoye hain mujh mein bhi asaar e muhabbat

Tu jab adoo ke saath geya tu pata chala

Sar se otar geya hai mere baar e muhabbat

Tanha mujhe tu kar ke geya tu laga ke Raaz

Main ho geya hoon tera gunaahgaar e muhabbat

Yaad ne jis ki yeh toofan otha rakha hai

Tum ne shookhi ka yeh andaaz naya rakha hai

Talib e deed ko pardey mein chupa rakha hai

Noor o Zulmat ka khiloona yeh kaheen toot na jaye

Tum ne mothee mein yeh jugnoo jo chupa rakha hai

Baghbaan ham se yeh ezhaar e tanafur kaisa

Ham ne gul e zaar ko gulzaar bana rakha hai

Dil faramosh kare kaise bhala oss ko Jamaal

Yaad ne jis ki yeh toofan otha rakha hai

Ek shab tu jagmagaye hamari bhi jhonpri

Paida kiya hai rabt rukh e lajawaab se

Jee khush hoa nazar ke haseen entikhab se

Beetey dinoon ki yaad nigahoon mein phir geyi

Nikle jo khushk phool purani kitaab se

Rukhsat hoa woh mujh se tu mehsoos yoon hoa

Jaise khuli ho aankh kisi gehrey khuwab se

Ek shab tu jagmagaye hamari bhi jhonpri

Mangein ge ham bhi chandni ess mahtaab se

Mehboob din judai ke thehrey azaab e jaan

Raatein bhi kat rahi hain bohat eztiraab se