Lab pe Iqrar e Wafa

Lab pe Iqrar e Wafa dil mein kadoorat meri

Koi ulfat mein bhi ulfat hai yeh ulfat meri

Bastiaan choor doon fitrat ka taqazaa hai yehi

Kaheen badnaam na ho jaye muhabbat meri

Jis ghari aayi tasawur mein teri zulf e daraaz

Yak baik dekh ke ghabra geyi wahshat meri

Tauba kar loon magar itna tu bata aae zahid

Pas e tauba bhi jo mail ho tabiat meri

Ranj o gham dard o alam hasrat o yaas o armaan

Haft aqleem pe goyea hai hakoomat meri

Shoq e gulzaar kabhi badiyah paimai kabhi

Gul neye roz khilati hai yeh wahshat meri

Thokarein khaoon na kion raah e muhabbat mein Aleem

Umar hai raah e raw e manzil e riffat meri