Press "Enter" to skip to content

Ek shab tu jagmagaye hamari bhi jhonpri

Paida kiya hai rabt rukh e lajawaab se

Jee khush hoa nazar ke haseen entikhab se

Beetey dinoon ki yaad nigahoon mein phir geyi

Nikle jo khushk phool purani kitaab se

Rukhsat hoa woh mujh se tu mehsoos yoon hoa

Jaise khuli ho aankh kisi gehrey khuwab se

Ek shab tu jagmagaye hamari bhi jhonpri

Mangein ge ham bhi chandni ess mahtaab se

Mehboob din judai ke thehrey azaab e jaan

Raatein bhi kat rahi hain bohat eztiraab se

Be First to Comment

Leave a Reply

Your email address will not be published. Required fields are marked *