Press "Enter" to skip to content

Posts published in “Tanhai SMS”

Yeh jo ek umar ki tanhai hai

Yeh jo ek umar ki tanhai hai

Mera mayar e tawanai hai

Har taraf aik hi surat ka hajoom

Yeh ajab anjuman arayi hai

Woh ek chaand, wohi ek zameen

Teri meri yehi yakjayi hai

Shab ko jalta hai wohi misl e chiraagh

Din ko jo lala e sehrai hai

Ishq pathar se nami mangta hai

Aqal kehti hai, yeh danai hai

Bool sakte hain, magar sab chup hain

Yeh bhi ek tarah ki goyai hai

Nook e khanjar se siley zakhm nadeem

Yeh naya tarz e masihai hai