Press "Enter" to skip to content

Posts published in “Shayari SMS”

Raat bhar barish thi

Oss ko ana tha ke woh mujh ko bolata tha kaheen

Raat bhar barish thi oss ka raat bhar paigham tha

Muntazir thi jaise khud hi tinka tinka aarzo

Khar o khas ke wastey goyah sharar paigham tha

Kia musafir they ke they ranj e safar se be nayaz

Aane jane ke liye ek rahguzar paigham tha

Koi kaghaz aik mailey se lifafey mein tha band

Khool kar dekha tu oss mein sar ba sar paigham tha

Har qadam par rastoon ke rang they bikhrey hoye

Chalne waloon ke liye apna safar paigham tha

Kuch sift oss mein parindoon or patoon ki bhi thi

Kitni shadaabi thi or kaisa shajar paigham tha

Or tu laya na tha paigham saath apne Zafar

Jo bhi tha oss ka yehi aaib o hunar paigham tha

Dil kisi se yahan naheen milta

Gham e hasti kahan naheen milta

Sab ko poora jahan naheen milta

Ho fida jis pe jaan yeh meri

Aisa jaan e jahan naheen milta

Chal kisi or ja basaira karein

Dil kisi se yahan naheen milta

Kis taraf haath main oothaoon ke

Sar pe aab aasman naheen milta

Manzilein samne khari hain magar

Rastoon ka nishan naheen milta

Kaise ho paye taih safar anjum

Rahbar o karwaan naheen milta

Baha aankhon se pani likh raha hoon

Baha aankhon se pani likh raha hoon

Wohi apni kahani likh raha hoon

Badan par oorh kar tanhai apni

Kati kaise jawani, likh raha hoon

Jo nikli thi tere hontoon se janaa

Wohi baatein sohani likh raha hoon

Mujhe majboor dil ne kar diya hai

Katha apni purani likh raha hoon

Bhula kar zindagi ki maat rana

Ossi ki kamrani likh raha hoon

Bazahir muskurae ja raha hoon

Bazahir muskurae ja raha hoon

Magar aansoo chupae ja raha hoon

Mita kar arzoon ke gharondey

Oonhein phir se banaye ja raha hoon

Jalaye gee mujhe yeh dhoop kaise

Main apne saye saye ja raha hoon

Milein gey or mar ke bhi milein ge

Yehi wada nibhaye ja raha hoon

Kahani ho geyi hai khatam lekin

Bazid hoon or sonaye ja raha hoon

Akaila hoon magar tanha naheen hoon

Tabhi tu gungunaye ja raha hoon

Naheen oss ki naheen main bhi naheen thi

Yehi sab ko bataye ja raha hoon

Ghazal ki sar zameen mein bhi karamat

Naye raste banaye ja raha hoon