Press "Enter" to skip to content

Posts published in “Shayari SMS”

Tere pyar mein pagal aankhein

Rim jhim karti badal aankhein

Tere pyar mein pagal aankhein

Kaise kaise sapne dekhein

Royee royee kajal aankhein

Kis ne aakhir roog lagaya

Kion hain teri jal thal aankhein

Teri yaad mein jaag rahi hain

Meri bojhal bojhal aankhein

Mujhko rana yaad hain abb tak

Oss ki qatil qatil aankhein

Abb nayi raah ka musafir hoon

Sepaher mein khuwab jo dekhe main ne

Shaam ke baad bikherey main ne

Baat tu iltafat hi ki thi

Kitne intizar k jheeley main ne

Abb nayi raah ka musafir hoon

Or naye roog samaitey main ne

Tum jo aao, kaheen baith ke sonaoon ga

Daman e kooh ke halaat jo dekhe main ne

Barey jatan se kuch aansoo

Tamazaton ne woh manzar hamein dikhaye hain

Ghaney shajar ne parindoo ke par jalaye hain

Woh karb hai ke samandar bhi kam parein ge yahan

Barey jatan se kuch aansoo bacha ke laye hain

Teri khamoosh nigahi se phir bhi kam tar hain

Woh geet jo mere khuwabon ne gungunaye hain

Kise khabar thi een aankhon mein oss ki aankhein hain

K ham tu oss se nigahein bacha ke laye hain

Kuch aise bhi hain yahan taira bakht banjarey

Jahan geye hain sitare luta ke aaye hain

Kiya na oss ne mera Intizar

Hazaar kehta raha main ke yaar aik minute

Kiya na oss ne mera Intizar aik minute

Main jaanta hoon ke hai yeh khumaar aik minute

Edhar bhi aayi thi mooj e bahar aik minute

Pata chaley ke hamein kon kon choor geya

Zara chutey tu yeh gard o ghubaar aik minute

Abad talak hoye ham oss ke waswasoon ke aseer

Kiya tha jis pe kabhi aitabaar aik minute

Agarche kuch naheen oqaat aik haftey ki

Jo sochiye tu hain yeh das hazaar aik minute

Phir aaj kaam se takheer ho geyi

Kisi ne ham se kaha baar baar aik minute

Main ne tum se pyar kiya

Tishna lab ke haathon mein jaam tumhara aaya hai

Sar ta pa shadabi mein naam tumhara aaya hai

Meethi yaad ki karwat mein aaihsaas ki lazat kia kehne

Husn sarapa khawabida baam tumhara aaya hai

Taih kar ke main jata hoon logon ki simt koi naheen

Paye hina ki rangat mein gaam tumhara aaya hai

Ek gali woh jata hai or awaz lagata hai

Darwazon ko rakhna band, badnaam tumhara aaya hai

Tum ne apne har khat mein apne pyar ko leekha hai

Main ne tum se pyar kiya, paighaam tumhara aaya hai

Main ne kab ezhaar kiya apne pyar ke barey mein

Naam ke ruswa hone mein elzaam tumhara aaya hai

Ham wafa ke waqif kaaron ne tum ko dars e wafa diya

Par dosh lagane waloon mein ek naam tumhara aaya hai

Zareef ahsan ke nuqtey ko jab samjhey baira paar hoa

Sar mein soda rakhne se baam tumhara aaya hai