Press "Enter" to skip to content

Posts published in “Shayari SMS”

Woh jo mujh mein Bikhar geya hota

Jane kitna main jur geya hota

Woh jo mujh mein Bikhar geya hota

So hi parta main kaakh e anjum pe

Subha hote hi ghar geya hota

Dil jo ho ta raqeeb e dil apna

Yaani khud se main lar geya hota

Woh jo hota mere muqaddar mein

Dil, dunia se bhar geya hota

Ooth jo jata wafa ke masnad se

Apne dil se otar geya hota

Woh na aate agar jo pursish ko

Yaqeen mano ke mar geya hota

Choor jata jo teri galioon ko

Kon jane kidhar geya hota

Pholoon ki Justujoo

Maslak mera wafa hai wafaoon ki aan hoon

Beetey hoye dinoon ki main ek dastaan hoon

Main shakh e maslihat tu naheen hoon ke jhuk paroon

Main azm o hosley ki ek sangeen chitaan hoon

Pholoon ki Justujoo tujhe gumrah kar na deih

Ess chilchilati dhoop mein bhi saibaan hoon

Ess qafiley mein meri shamoliat bhi hai magar

Salaar e qafila se bhi kuch bad gumaan hoon

Monh phair kar woh chal diye phir bhi hoon mutmain

Ashraf main ess rawaiye pe bhi shadmaan hoon

Ishq mein dard be shumar miley

Phool ke badley ham ko khaar miley

Ishq mein dard be shumar miley

Ham ne paya faqat gham e hijraan

Ham ne chaha tha ham ko pyar miley

Dil tu ghamgeen tha magar yeh kia

Raat rarey bhi ashk baar miley

Itne sarey hajoom mein ham ko

Loog kion kam wafa shayaar miley

Mere nazdeek woh naheen Rana

Kis tarhan lazat e bahar miley

Badal ko dhoop lag chuki thi

Main khud se baat kar raha tha

Ya do do haath kar raha tha

Talqeen e sabar kar ke khud ko

Nazar e halaat kar raha tha

Main shab ko din bana raha tha

Woh din ko raat kar raha tha

Badal ko dhoop lag chuki thi

Suraj barsaat kar raha tha

Ham apni baat kaise karte

Woh apni baat kar raha tha

Muhabbat ke taqazey ko Nibha kar

Chiragh e dil ko mehfil mein jala kar dekh lete hain

Muhabbat ke taqazey ko Nibha kar dekh lete hain

Tumhare hain tumhare hi rahein ge omer bhar yoon hi

Tumhare wastey khud ko saja kar dekh lete hain

Tumhari yaad khushboo hai tumhari yaad jadoo hai

Tumhari yaad ko dil se laga kar dekh lete hain

Laho mein doobi aankhein shehar e gham mein kon dekhe ga?

Ham apne aap se khud ko chupa kar dekh lete hain

Dar hamdam pe sajde mein hamesha sar jhukaein ge

Tasawur aankh se aansoo baha kar dekh lete hain