Press "Enter" to skip to content

Posts published in “Shayari SMS”

Main ne tum se pyar kiya

Tishna lab ke haathon mein jaam tumhara aaya hai

Sar ta pa shadabi mein naam tumhara aaya hai

Meethi yaad ki karwat mein aaihsaas ki lazat kia kehne

Husn sarapa khawabida baam tumhara aaya hai

Taih kar ke main jata hoon logon ki simt koi naheen

Paye hina ki rangat mein gaam tumhara aaya hai

Ek gali woh jata hai or awaz lagata hai

Darwazon ko rakhna band, badnaam tumhara aaya hai

Tum ne apne har khat mein apne pyar ko leekha hai

Main ne tum se pyar kiya, paighaam tumhara aaya hai

Main ne kab ezhaar kiya apne pyar ke barey mein

Naam ke ruswa hone mein elzaam tumhara aaya hai

Ham wafa ke waqif kaaron ne tum ko dars e wafa diya

Par dosh lagane waloon mein ek naam tumhara aaya hai

Zareef ahsan ke nuqtey ko jab samjhey baira paar hoa

Sar mein soda rakhne se baam tumhara aaya hai

Yeh jo ek umar ki tanhai hai

Yeh jo ek umar ki tanhai hai

Mera mayar e tawanai hai

Har taraf aik hi surat ka hajoom

Yeh ajab anjuman arayi hai

Woh ek chaand, wohi ek zameen

Teri meri yehi yakjayi hai

Shab ko jalta hai wohi misl e chiraagh

Din ko jo lala e sehrai hai

Ishq pathar se nami mangta hai

Aqal kehti hai, yeh danai hai

Bool sakte hain, magar sab chup hain

Yeh bhi ek tarah ki goyai hai

Nook e khanjar se siley zakhm nadeem

Yeh naya tarz e masihai hai

Din bhar ki Rafaqat ho gee

Dast e taqdeer ne yoon naqsh obhara mera

Meri palkoon pe otara hai sitara mera

Pyar se dast kashi ka naheen yaara mera

Oss ka pyara hoon ke jo shaks hai pyara mera

Woh naheen hai tu sar e dasht tamana kis ne

Oss ki awaaz mein phir am pukara mera

Rahein, haathon ki lakeron ki tarhan roshan hain

Oss ki yaadein, sar e shab mein sahara mera

Main tu samjha tha ke Din bhar ki Rafaqat ho gee

Raat ke saath geya subha ka taara mera

Woh samandur hoon jo mulahoon se sharminda hai

Itna gehra hoon ke pataal, kinara mera

Teer seene mein jo otra tu lahoo kion na baha

Imtihaan laine chale hain woh dobara mera

Main ke fankaar hoon, kion daad na daita fun ki

Dast e qatil ne agar zakhm sanwara mera

Ham ko chaand or taroon se barh kar

Ham ko chaand or taroon se barh kar yeh manzar sohane sohane lagey

Aansoon se ho bheega hoa jis ka chehra wohi muskurane lagey

Raat bhar ham ne tere khuley gaisoon mein teri chaand surat ko dhoonda

Subha ko tere jate hi, har so, tere khaal o khad jagmagane lagey

Mausam e gul jab aaya tu gulzaar o sehra ki sari tameez ooth geyi

Khush shakhoon se totey hoye zard patey dafein si bajane lagey

Din chupa tu musafir sehar ke liye kitni tareek sadioon se guzra

Ek suraj ke baad aik suraj nikalne mein kitne zamane lagey

Jane enn be zubanoo ne kesi qayamat ke asaar ofaq paar dekhe

Shaam se qabal hi abb parindoo ke ghool aashiano ko jane lagey

Jis ne jis door mein bhi masihai ki oss ko masloob hona para

Loog murdoon ko zinda karane ke baad oss ko maqtal mein lane lagey

Zameen ke dar pe dastak doon

Na jane khaal o khad kion chin geye hain khush jamaloon ke

Haiwley se nazar aate hain sehra mein ghazaloon ke

Ek aise door mein takhleeq e fun ki mujh ko sooji hai

Agar soochon tu par katne lagein mere khialoon ke

Zameen ke dar pe dastak doon tu shayad khaak bool othey

Jawaab atey naheen aflaak se, mere sawaloon ke

Yeh waqt aisa hai jab jazbe ka sikka chal naheen sakta

K deewane bhi talib hain daliloon ke, hawaloon ke

Mujhe nabood ho jane se roka ess haqeeqat ne

Zawalon ke khandar par qasar othtey hain kamaloon ke

Nadeem abb ek qaseeda oss garooh e husn e karwan ka

Fasaney tu bohat likhey hain tu ne gaoon waloon ke