Press "Enter" to skip to content

Posts published in “Sad SMS”

Ek ek ghont ki khatir taraste hain

Yahan yeh Haal! Ek ek ghont ki khatir taraste hain

Wahan yeh Rang! paimano pe paimaney chalakte hain

Nayi meena, nayi maye, or naya saghir, naya saqee

Gharz har shaye nayi hain ess liye armaa machalte hain

Numaya daagh e dil bhi ho chale hain abb tu aao gey

Essi umeed par baithey tumhari raah takte hain

Guloon ka haq hain daman par tu kuch kaanton ka bhi haq hai!

Bachaye kon abb daman! jo yeh barh kar ulajte hain

Laboon par mohr e khamooshi hai or aankhein mein aansoo hain

Gada daman ko phailaye hoye tujh ko hi takte hain

Mana laitey hain apne ghar woh ek din rasm e diwali

Yahan daagh e jeegar dil mein chiraghaan roz karte hain

Aleem abb dil ko hai sabr o tahamul ki naheen taqat

Tasali doon agar tu naley reh reh kar obalte hain

Bari door aa geya ghar se nikal kar

Payam dard e dil, dil se nikal kar

Chala aata hai har aansoo mein dhal kar

Bala ki shokhiaan raftaar mein hain

Qayamat dha raha hai koi chal kar

Tajalee se hoye sarshaar Moosa

Tujhe kia mil geya aae Toor jal kar

Kahan main or kahan yeh arsaa e hashar

Bari door aa geya ghar se nikal kar

Sar e shaam onn ka tha aane ka wadaa

Ojala ho chala hai raat dhal kar

Liye ek dard e pehlo mein musalsal

Shab e gham kaat dee karwat badal kar

Mere kaproon mein kuch kuch aa geyi hai

Shameem e naaz anchal se nikal kar

Churana mujh se woh dast e Hinaee

Ajab andaaz se aankhein badal kar

Soye dasht ek na ek din hai nikalna

Kisi ki khaak e paa chehre pe mal kar

Haqeeqi ishq ho ga yeh Aleem abb

Majazee ki manazil se nikal kar

Full sad Poetry sms

Kion na yeh rasm nibaah lee jaye

Koi deewar otha lee jaye

Rooh ka rooh se ho geya rishta

Zindagi raah se hata lee jaye

Dee muhabbat ne hijabon ko shikast

Aankh se aankh mila lee jaye

Ham ne soocha hai beech mehloon ke

Aik kutiaah hi bana lee jaye

Deih ke ham ko zubaan, yeh hukm hoa

Hai yeh behtar ke sambhali jaye

Hai guzarish jahaan fun se meri

Shayari fun se nikali jaye

Hai yeh irshaad buzurgoon ka Saeed

Koi sayeel bhi na khali jaye

Yaad ne jis ki yeh toofan otha rakha hai

Tum ne shookhi ka yeh andaaz naya rakha hai

Talib e deed ko pardey mein chupa rakha hai

Noor o Zulmat ka khiloona yeh kaheen toot na jaye

Tum ne mothee mein yeh jugnoo jo chupa rakha hai

Baghbaan ham se yeh ezhaar e tanafur kaisa

Ham ne gul e zaar ko gulzaar bana rakha hai

Dil faramosh kare kaise bhala oss ko Jamaal

Yaad ne jis ki yeh toofan otha rakha hai

Ek shab tu jagmagaye hamari bhi jhonpri

Paida kiya hai rabt rukh e lajawaab se

Jee khush hoa nazar ke haseen entikhab se

Beetey dinoon ki yaad nigahoon mein phir geyi

Nikle jo khushk phool purani kitaab se

Rukhsat hoa woh mujh se tu mehsoos yoon hoa

Jaise khuli ho aankh kisi gehrey khuwab se

Ek shab tu jagmagaye hamari bhi jhonpri

Mangein ge ham bhi chandni ess mahtaab se

Mehboob din judai ke thehrey azaab e jaan

Raatein bhi kat rahi hain bohat eztiraab se