Press "Enter" to skip to content

Posts published in “Muhabbat SMS”

Main kar naheen paya kabhi Ezhaar e Muhabbat

Jab tak mila na tha koi kirdaar e muhabbat

Main kar naheen paya kabhi Ezhaar e Muhabbat

Farhaad kia hai, mujh ko agar moqaah jo mila

Ban ke dikha doon ga tujhe shahkar e muhabbat

Olfat bhari nigah se dekha jo tu ne aaj

Hone laga hai mujh ko bhi deedar e muhabbat

Jo tu mila tu yeh mujhe aaihsaas hoa hai

Zahir hoye hain mujh mein bhi asaar e muhabbat

Tu jab adoo ke saath geya tu pata chala

Sar se otar geya hai mere baar e muhabbat

Tanha mujhe tu kar ke geya tu laga ke Raaz

Main ho geya hoon tera gunaahgaar e muhabbat

Muhabbat ke diye ko pal do pal

Yeh kesi rasm hai ke dil se dil milne naheen dete

Muhabbat ke diye ko pal do pal jalne naheen dete

Kaheen khushboo se apni yeh na mehka deih gulistaan ko

Tabhi ahle chaman dil ki kali khilne naheen dete

Agar koi manchala qadam rakh deih muhabbat mein

Tu phir khaar e sar e rahey osse chalne naheen dete

Qanaat kar rahe hain ahle dunia guzre qisoon par

Nayi abb dastaan koi yahan banne naheen dete

Chalo anjum tumhi kar do munawwar aasman se barh kar

Yeh khaaki nafs tu abb roshni barhne naheen dete