Press "Enter" to skip to content

Posts published in “Hadith SMS”

Logon ka shukriya ada karo

Hazrat Nauman bin Bashir R.A se riwayat hai k

Nabi Kareem S.A.W.W ne aik martaba minbar par irshad farmaya

Jo shaks thorey par shukar naheen karta

Woh ziada par bhi shukar naheen karta

Or jo shaks logon ka shukriya ada naheen karta woh

Allah tallah ka shukar bhi ada naheen karta

Allah Tallah ke enamaat o aihsanaat ko biyan karna shukar hai

Choor daina kufar (Nashukri) hai

Ijtamaiat rehmat hai or Iftiraaq azaab hai

Dhoop or Chaoon mein Baik waqt Baithna

Hazrat Abu Huraira R.A se riwayat hai farmate hain ke

Abu al Qasim S.A.W.W ne irshad farmaya

Jab tum mein se koi dhoop mein baitha ho

Phir saya oss par aa jaye or oss ka kuch hisa e badan

Dhoop mein or kuch saya mein tu osse chaiye ke

Oss jagha se otha jaye

Or aisi jagha par baithe jahan mukamal dhoop ho ya

Mukamal saya ho

Kion ke tibbi aitabaar se ess mein nuqsan ka andaisha hai albatah sharaan ess tarhan karne mein koi gunaah naheen hai

Momin bhola bhala hota hai

Hazrat Abu Huraira R.A se riwayat hai farmate hain ke

Janab Rasool Allah S.A.W.W ne irshad farmaya

Momin aadmi bhola bhala or shareef hota hai

(Jhagralo naheen hota)

Or fasiq Ensaan dhoka baaz or jhagralo hota hai

” Maqsad yeh hai ke Momin aadmi amoman dhoka kha jata hai apni saadgi ki bina par or phir dhoka khane par jhagra naheen karta, kion ke woh shareef bhi hota hai, jab k fasiq o fajir ensaan dhoka baaz bhi hota hai or larai jhagra karne wala bhi”

Kia jannat mein ghorey hoon gey

Hazrat Abu Ayub R.A se riwayat hai farmatey hain k aik airabi

Nabi e Kareem S.A.W.W ke paas aaya or kehne laga

Aae Allah ke Rasool S.A.W.W

Main ghoroon ko bohat pasand karta hoon

Kia jannat mein ghorey hoon gey?

Aap S.A.W.W ne farmaya

Agar jannat mein tum ko daakhil kar diya geya tu

Tumhare paas yaqoot ka aik ghora laya jaye ga

Jis ke 2 bazoo hoon gey

Oss par tumhein sawar kar diya jaye ga

woh tumhein, Jahan tum jana chaho gey

leih orey ga

Sadqa kisi ke maal mein kami naheen karta

Hazrat Abu Huraira R.A se riwayat hai, farmate hain k

Janab e Rasool Allah S.A.W.W ne irshad farmaya

Sadqa kisi ke maal mein kami naheen karta

Maaf karne waley ki

Ezat ke elawa koi cheez naheen barhti

Or jo shaks Allah Tallah ke liye tawazuh ekhtiar karta hai

Allah Tallah osse buland kar daita hai