Press "Enter" to skip to content

Posts published in “Ghazal SMS”

Muhabbat ke taqazey ko Nibha kar

Chiragh e dil ko mehfil mein jala kar dekh lete hain

Muhabbat ke taqazey ko Nibha kar dekh lete hain

Tumhare hain tumhare hi rahein ge omer bhar yoon hi

Tumhare wastey khud ko saja kar dekh lete hain

Tumhari yaad khushboo hai tumhari yaad jadoo hai

Tumhari yaad ko dil se laga kar dekh lete hain

Laho mein doobi aankhein shehar e gham mein kon dekhe ga?

Ham apne aap se khud ko chupa kar dekh lete hain

Dar hamdam pe sajde mein hamesha sar jhukaein ge

Tasawur aankh se aansoo baha kar dekh lete hain

Barey jatan se kuch aansoo

Tamazaton ne woh manzar hamein dikhaye hain

Ghaney shajar ne parindoo ke par jalaye hain

Woh karb hai ke samandar bhi kam parein ge yahan

Barey jatan se kuch aansoo bacha ke laye hain

Teri khamoosh nigahi se phir bhi kam tar hain

Woh geet jo mere khuwabon ne gungunaye hain

Kise khabar thi een aankhon mein oss ki aankhein hain

K ham tu oss se nigahein bacha ke laye hain

Kuch aise bhi hain yahan taira bakht banjarey

Jahan geye hain sitare luta ke aaye hain

Kiya na oss ne mera Intizar

Hazaar kehta raha main ke yaar aik minute

Kiya na oss ne mera Intizar aik minute

Main jaanta hoon ke hai yeh khumaar aik minute

Edhar bhi aayi thi mooj e bahar aik minute

Pata chaley ke hamein kon kon choor geya

Zara chutey tu yeh gard o ghubaar aik minute

Abad talak hoye ham oss ke waswasoon ke aseer

Kiya tha jis pe kabhi aitabaar aik minute

Agarche kuch naheen oqaat aik haftey ki

Jo sochiye tu hain yeh das hazaar aik minute

Phir aaj kaam se takheer ho geyi

Kisi ne ham se kaha baar baar aik minute

Koi bhi wada kabhi oss ka wafa hota naheen

Koi bhi wada kabhi oss ka wafa hota naheen

Ham se phir bhi sajda e chahat qaza hota naheen

Zindagi apni guzari ham ne ess umeed par

Tujh se mil payein kabhi, par mujaza hota naheen

Jab se woh bichra hai meri zindagi tareek hai

Abb tu mujh se mera apna raabta hota naheen

Bas geya hai dil mein mere ess tarhan onn ka khial

Sab jatan karne pe bhi mujh se juda hota naheen

Ajnabi oss ki nigahein or lehja sard hai

Kaise abb oss ko pukarein hosla hota naheen

Kis tarhan se meethe lehje dhoka dete hain yahan

Thokrein khane se pehle tajurba hota naheen

Jo zamane bhar ke ahl e fun ki khul kar daad deih

Woh kisi bhi aik ka tu aashna hota naheen

Sab ki baaton mein woh aaya or na aaye ga kabhi

Kuch bhi ho jaye shagufta se khafa hota naheen

Main ne tum se pyar kiya

Tishna lab ke haathon mein jaam tumhara aaya hai

Sar ta pa shadabi mein naam tumhara aaya hai

Meethi yaad ki karwat mein aaihsaas ki lazat kia kehne

Husn sarapa khawabida baam tumhara aaya hai

Taih kar ke main jata hoon logon ki simt koi naheen

Paye hina ki rangat mein gaam tumhara aaya hai

Ek gali woh jata hai or awaz lagata hai

Darwazon ko rakhna band, badnaam tumhara aaya hai

Tum ne apne har khat mein apne pyar ko leekha hai

Main ne tum se pyar kiya, paighaam tumhara aaya hai

Main ne kab ezhaar kiya apne pyar ke barey mein

Naam ke ruswa hone mein elzaam tumhara aaya hai

Ham wafa ke waqif kaaron ne tum ko dars e wafa diya

Par dosh lagane waloon mein ek naam tumhara aaya hai

Zareef ahsan ke nuqtey ko jab samjhey baira paar hoa

Sar mein soda rakhne se baam tumhara aaya hai