Press "Enter" to skip to content

Posts published in “Ghazal SMS”

Ek mudat hoi bichre hoye tum se lekin

Aap kis tarhan ka azaar liye phirte hain

Yeh tu har basti mein do char liye phirte hain

Ek mudat hoi bichre hoye tum se lekin

Aankh mein aaj bhi asaar liye phirte hain

Hosla dekho hamara bhi ke ham seene mein

Omer bhar se tera beemar liye phirte hain

Dil tu wirana hai maara hoa tanhai ka

Ham nagar mein esse baikar liye phirte hain

Ess tarhan aate hain sab dekh ke sehra mein hamein

Jaise ham saya e deewar liye phirte hain

Dil ajab bigra hoa bacha hai

Tum jab aa niklo gey anjane mein

Ham na hoon gey kisi wiraney mein

Ham bhaley bolein na bolein lekin

Naam aa jata hai afsane mein

Dil ajab bigra hoa bacha hai

Omer beeti esey samjhane mein

Aankh oothti hi na thi oss ki taraf

Ess qadar roob tha deewane mein

Ess qadar omer raseeda dukh hai

Omer lag jaye gee batlane mein

Ishq mein pori tu hoti hain Duwaein aksar

Kuch sambhalta hoon tu taqdeer badal jati hai

Khuwab sacha hai par tabeer badal jati hai

Pichli buniad pe tameer badal jati hai

Shaye badalti naheen tasheer badal jati hai

Khuwab mein dard khula rehta hai album ki tarhan

Or khud aa ke tu tasveer badal jati hai

Qaid khana bhi wohi rehta hai qaidi bhi wohi

Haan yeh hota hai ke zanjeer badal jati hai

Ishq mein pori tu hoti hain Duwaein aksar

Onn mein lekin koi taseer badal jati hai

Hamla awar tu bohat hota hoon, har mushkil ki

Aan ki aan mein tadbeer badal jati hai

Ham shehar mein jab Rasm e Wafa

Ham shehar mein jab Rasm e Wafa laye hoye they

Woh chup thi dar o baam bhi ghabraye hoye they

Barish ko samitey hoye they palkoon ke andar

Badal sa koi aankh mein lehraye hoye they

Yeh or ke ham sabar pe ghalib nazar aaye

Yeh or ke ham dard ko samjhaye hoye they

Woh bichra tu they raste bhi ojrey hoye mere

Or baagh ke sab phool bhi komlaye hoye they

Tha pehlo mein ek zakhm e pareshan e muhabbat

Or ham they ke oss zakhm ko mehkaye hoye they

Woh jo mujh mein Bikhar geya hota

Jane kitna main jur geya hota

Woh jo mujh mein Bikhar geya hota

So hi parta main kaakh e anjum pe

Subha hote hi ghar geya hota

Dil jo ho ta raqeeb e dil apna

Yaani khud se main lar geya hota

Woh jo hota mere muqaddar mein

Dil, dunia se bhar geya hota

Ooth jo jata wafa ke masnad se

Apne dil se otar geya hota

Woh na aate agar jo pursish ko

Yaqeen mano ke mar geya hota

Choor jata jo teri galioon ko

Kon jane kidhar geya hota